15 septembre: Kilumbu ya nza samu na luyalu ya nkangu na maboko ya nkangu

16 sep 2015

15 septembre: Kilumbu ya nza samu na luyalu ya nkangu na maboko ya nkangu

Martin Kobler, mfumu ya Monusco mpe Jose Maria Aranaz, ntumwa ya nzo ya Onu ya ke landilaka banswa ya bantu samu na kutanina banswa ya politiki bwela diaka kimpwanza ya muntu nionso”

Kinshasa, 15 Septembre yayi ya 2015-“Kilumbu yayi ya nza samu na luyalu ya nkangu na maboko ya nkangu, kele kilumbu mosi ya mfunu samu na République Démocratique ya Congo na kutala bisalu ya kuponama ya ta simbama awa.

Kuzitisa bansiku ya démocratie, kupesa sika na bambanda ya politiki ya luyalu, bwela diaka na bimvuka ya nkangu kele kima ya lenda kunata masonga samu ti kuponama kuluta na ngemba nionso”.

Ti kiteso ya bamillion makumi nsambwadi na tanu ya bantu, mingi ya kele baleke, République Démocratique ya Congo kele ti bampasi ya mutindu na mutindu; mingi samu na kutoma na yau, mpe na kutambula ya mbote ya luyalu.

Na lweka ya bangolo ya luyalu, bwela diaka ya bimvuka ya politiki ke na kusala, lusadusu ya bimvuka ya nkangu kele mfunu mingi samu na kutoma ya luzingu ya nkangu, mpe ya kimvuama ya nsi. Na mutindu yayi, mbula matadi fwete kundima ngwakana yayi ti bimvuka ya nkangu (Socièté Civile) samu na kupesa nswa na nkangu na kupesa maboko na bisalu nionso ya nsi. MONUSCO, bwela diaka ONU ke landa na kusadisa Rdc mpe bimvuka yankaka samu na kusiamisa luyalu yayi ya nkangu na maboko ya nkangu(Démocratie), diaka na kununga zola ya kutoma ya nsi.

“Yau kele mfunu mingi samu na kutanina banswa mpe kimpwanza ya bisalu ya politiki, na kupesa mpe nswa na nkangu na kumonisa mabanza na yandi, ya kusala bimvuka, ya kuvukana; yau vuanda mpe samu na bimvuka ya bambanda ya politiki ya luyalu, banzo ya bansangu, bimvuka ya nkangu, nkatu kutita kukanga, kusambisa, mingi na nsungi yayi ya kuponama” zabisaka mbuta Maria Jose Aranaz.

Mukanda na ba nsoniki:

Na Ngonda ya ivua mvula difunda mosi na nkama ivua na makumi ivua na nsambwadi (En Septempte 1997), lukutakanu ya bantumwa ya nkangu(UIP) ndimaka lukanu mosi na yayi me tadila luyalu ya nkangu na

maboko ya nkangu(démocratie). Lukanu yayi ke siamisa bansiku ya démocratie, mutindu mpe mpila ya luyalu ya kele na maboko ya nkangu samu na nkangu ke tambulaka, mpe diaka mutindu ya nza ke zodilaka samu ti démocratie kutambula.

Na dibanza ya UIP, 15 Septembre (Kilumbu ya nza ke banzilaka samu na luyalu ya nkangu na maboko ya nkangu), kilumbu yayi ndimamaka bonso kilumbu ya nza ya mvimba fwete kukumisa konso mvula kilumbu ya nza samu na démocratie.

Lukanu na zina ya “maboko ya kupesa na dinaka ya bangolo ya baluyalu samu na kulandila mpe kusiamisa ba démocratie ya mpa to ya me vutuka”, Onu ndimaka yau na ntima mosi na kilumbu na yau ya ngonda ya kumi na mosi na mvula mafunda zole na nsambwadi.

*Traduit par Folquin Konso Musiyer