Martin Kobler, mulombodi wa Monusco ne Jose Maria Aranaz, muleji mpala wa kamisalu mukulu wa menema a bumuntu bua dikuila dia dinemeka dia manema a tshididi ne bidikadidi bua bonso

Kinshasa, dia matuku 15 ngondo wa kabitenda tshidimu tshia bibinu bibidi ne dikumi ne tshitanu, ndituku dimikila mu buloba bujima malu a mungalata, ndituku dinena mu ditumga dia congo wa mungalata ne masungula alua kumpala eku. Dinemeka dia meyi a mungalata, dipesha batontolodi miaba ya kuakulabu ne bena tusumbu tudikadila bidi muakufikisha butoka bua masungula akaayi bilumbu nansha.

Ne bantu batua ku binu makumi muandamuteketa ne bitanu, ba bungi bikala bansonga, ditunga dia Congo wa mungalata didi ne malu a bungi akukumbaja bua kufila ku nshidimukilu ne dilombola diakane. Pakumusha didifila dia bena bukalenga ne bena bisumbu bia tshididi, diambuluisha dia bena tusumbu tudikadila didi ne mushinga bua kufikila ku nsombelu mulenga ne kukolesha bubanji. Bikengela ne bena bukalenga bakuata pamunyingela ne bena tusumbu tudikadila bua ne bantu bonso badifila mu malu onso a nsombelu wa ditunga dijima. Monusco ne bena bisamba bisanga mu tshibungi badi batungunuka ne diambuluisha bena bukalenga bua Congo wa mungalata ne bitupa bikuabu bua kulongolola mungalata bua kukumbaja bienabualu bia nshidimukilu.

Mbimpa kunemeka manema ne bidikadidi bua malu a tshididi, pa kulongolola muaba mukumbana udi bantu mua kuleja majinga abu mubudikadidi , mu tusumbu ne bisangilu bidi bantu bonso mua kuenza, pakukumbaja ne bena bisumbu bia batontolodi, nzubu ya dimuangalaja dia ngumu ne nsangilu ya bena tusumbu tudikadila, kakuyi bua bowa bua dilondakajangana anyi dikuadibua, nangananga pabidi bitangala malu a masungula mudibu baleja kudi Maria Jose Aranaz.

Meyi bua mafundi:

Mu ngondo wa kabitenda wa tshidimu tshia binunu nkama tshitema makumi muandamuteketa ne muandamuteketa, ngangilu wa ba tshipuitamunuamfuanka(UIP) uvua muitaba meyi a mungalata. Mu meyi aa badi bajadika, makunji a mungalata, bia kuenza, ne mudimu udi bukalenga bua mungalata ne tshia kuenza ne tshidi bena matunga menyi ne tshia kuenza bua mungalata.

Ku dilomba dia UIP, mu dia matuku dikumi ne atanu ngondo wa kabitenda(dituku didibu bavuluka meyi mitaba bua mungalata) ndituku divuabu basungula mu buloba bujima bua kusekelela mungalata. Kudi meyi mitaba adi ambuluisha bena bukalenga bua bayisha kumpala ne bakolesha malu a mungalata mupiamupia

ne ne kulongolola bena bisamba bisanga bua bitaba tshiapamua mu dia matuku muandamukulu a ngondo wa kasuabanga tshidimu tshia binunu bibidi ne muandamukeketa.

*Traduit en Tshiluba par : Richard Junior Kamunga